من فترة قريبة تم الإعلان عن الاصدار الجديد للعبة call of duty advanced
و اتنشر صور جديدة عن اللعبة و العرض الخاص باللعبة
- من الواضح إن كل واحد مهتم باللعبة هيضطر يشتري جهاز جديد :D بسبب الامكانيات اللي هتطلبها اللعبة
احداث اللعبة في عام 2050 وبتكنولوجيا متطورة في مجال الاسلحة
وده trailer اللعبة
www.youtube.com/embed/iQ7y3AOUG1U
و اتنشر صور جديدة عن اللعبة و العرض الخاص باللعبة
- من الواضح إن كل واحد مهتم باللعبة هيضطر يشتري جهاز جديد :D بسبب الامكانيات اللي هتطلبها اللعبة
احداث اللعبة في عام 2050 وبتكنولوجيا متطورة في مجال الاسلحة
وده trailer اللعبة
www.youtube.com/embed/iQ7y3AOUG1U
فيلم source code يعتبر من الافلام الخيال العلمي ويعتمد على السفر عبر الزمن للماضي
فكرة الفيلم تم تنفيذها بطريقة إبداعية ..
بطل الفيلم
وهو ضابط بالجيش الامريكي و بعد إصابته الخطيره في أحد المهمات استعانت به المخابرات ليبرمجوا عقله بشفرة برمجة
للرجوع للماضي .. للرجوع الي حادثة انفجار قطار و عليه اكتشاف الجاني في الماضي .
مش هحرق فكرة الفيلم أكتر من كدة و هتستمتعوا بمشاهدته
بعد مشاهدتي للفيلم .. قدرت قيمة كل ثانية بنعيشها و قيمة الموت وده اللي هتفهموه في نهاية الفيلم
0 مع اقتراب موعد تخرجكم ، ومع اقتراب موعد الفنداى بتاعكم .. أحب أوجه لكم كلمة
افرحوا .. وانبسطوا .. على قد ما تقدروا اليومين الجايين
اتصوروا مع بعض كتير قوى .. قوى قوى .. على قد ما تقدروا
بعد كام شهر من دلوقتى .. هتتفرجوا على صوركم دى وتبتسموا ابتسامة مش هعرف أوصفهالكم دلوقتى
هيبقى نفسكم تتجمعوا كده تانى .. و لكن للأسف ... مش هتعرفوا
فى منكم اللى هيبقى فى السعودية .. واللى فى الإمارات .. واللى فى أمريكا .. واللى .. واللى ...
فى منكم اللى هيفضل سينجل (زى حالاتى يعنى ) فمش هيعرف يشوف أصحابه المتجوزين إلا كل فين وفين
ومنكم اللى هيتجوز .. فمش هيعرف يشوف أى حد خالص ... إلا كل فين وفين
صحابك مع الوقت هيتغيروا ... مش هتقدر تحدد هم اتغيروا ليه ؟ ولا امتى ؟ بس هتعرف إنهم اتغيروا
عارف ... اوعى تزعل من صحابك لما يتغيروا... انت نفسك هتتغير .. كلنا بنتغير
الدنيا هتفرقكم ... هتغيركم ... غصب عنكم ... زى ما عملت فينا كلنا
يمكن انتم نفسكم تتخرجوا عشان تفرحوا .. عشان تخلصوا .. أو يمكن عشان الكلية صعبة
لكن اللى هتعرفوه بعد لما تتخرجوا .. إن الكلية صعبة .. لكن مش قاسية
الحياة أقسى بكتير
الشغل والحياة هيدوسوا عليكم .. هينسوكم معانى كتير حلوة كانت عندكم
هينسوكم يعنى ايه لمتك مع صحابك كل يوم .. والضحكة الصافية اللى بتجمعكم
هيعلموكم يعنى إيه أحقاد .. يعنى إيه نفاق .. يعنى إيه مصلحة
هيعلموكم تحبوا الفلوس ... وتجروا وراها ...
هتخليكم تدخلوا دوامة مش عارفين بدأتوها ليه .. ولا هتخلص امتى ...
وكل فترة هتقف مع نفسك كده .. وتسأل نفسك .. أنا ماشى فى السكة دى ليه ؟!
طيب انا مبسوط كده ولا لأ ؟!
مش هتعرف تجاوب على نفسك .. فهتكمل مشى .. هتكمل وخلاص
المسؤولية ...
إحساس المسؤولية هيخليك تعجّز .. وانت فى العشرينات من عمرك
مش هتبدأ تعدّ سنين عمرك إلا بعد ما تتخرج
ومع كل سنة بتمر ... هتفتح صورك القديمة ...
تشوف أصحابك فى الصور .. وتقول يااااااااه ... كانت أيام
يا ريتها ترجع تانى ..
بس للأسف .. مش هترجع
يمكن الكلام ده أنا بكلم بيه نفسى قبل ما أكلمكم
بس هى جت فيكم معلش
مش هتعرفوا معنى الكلام ده دلوقتى ... وما تستعجلوش عشان تعرفوه
أهم حاجة .. انبسطوا على قد ما تقدروا
واجمعوا أكبر قدر من الذكريات ..
الذكريات دى هى اللى هتخليكم تبستموا ... وممكن تخليكوا تعيطوا ... لما ما تبقوش عارفين تضحكوا
واقرا عن tools هتساعدك في تنظيم حياتك بعد التخرج من هنا
بقلم / محمود علام
لما تُعجب بحد و تتشد له .. بتتولد شفرة بينك وبينه !
شفرة تخليك متعلق بيه و متقبله مهما كان شكله و سنه ولونه و طِباعه
الشفرة إسمها في الطب .. هرمون الاكسيتوسين
وفي علم النفس .. مشاعر الحب
و عند الشعراء .. الوصال
وفي الــ paranormal ... الحبل الإثيري
و الحب عند المرأه كما قال د/ مصطفى محمود :
"والمرأة تحب.. وحبها يلقي بها في دوامة من القلق ويضعفها ويخضعها ويضيعها .. وهي تكره نفسها لأنها تحب وتضعف وتهون إلى هذه الدرجة .. وحبها وكراهيتها يتحدان معا في سلوكها نحو الرجل فتسعى إلى إمتلاكه لتضمن أن حبها الذي بذلته لن يضيع .. ولتشعر أنها تودع نقودها في خزانه تملك مفتاحه "
و الحب عند الرجل كما قال مصطى محمود :
" انها حبيبتى ، حياتى ، اننا شخص واحد ، عيوبها أصبحت كعيوبى أحتضنها و أبحث لها عن عذر ، و رغباتى تعبر هى عنها قبل أن أنطق بها "
لا تنسى قراءة مقال صفات شريكة الحياه
في أي إنترفيو مُحترم لازم هيديك سؤال في سياسة .. زي مثلا مرة إتسألت
- إنت إخواني .. إقنعني بمرسي إنه رئيس وانتخبه في الانتخابات القادمة
[ غبي بيقولك "قادمة" ]
- مرسي ولا السيسي ؟
- إقنعني إن بشار الاسد صح
نصيحة إياك تُبدي رأيك السياسي أبدا وخليك على حياد
أه معلش خليك على حياد وإحتفظ برأيك السياسي لنفسك
لانك لو بينت رأيك.. الــ interviwer هيبدأ يستفذك أي كان رايك إيه
- مرة عملتها و إترفضت
الْبِكْرُ.. وما أدراكُنَّ ما البِكْرُ!!
بقلم : محمد الغباشي
من أجمل ما قيل في وصف الحور العين أنهن أبكار على الدوام، والبكارة حالة نفسية قبل أن تكون أي شيء آخر، فالحوراء تحتفظ على مدى الزمن -وفي الجنة لا زمن- بهذه الحالة المتفردة، فهي بالمصطلح الدارج "بنوتة" صغيرة، لا تتسربل أبدًا -مع رجلها- بغطاء الثيِّب الغليظ الذي كثيرًا ما يفيض حكمة مصطنعة -أو حقيقية- وعقلاً ورزانة موهومة -أو حقيقية أيضًا-، والذي كثيرًا ما يتعدى ذلك إلى التسلط والتبكيت وثِقَلِ الظل، فهي تتمتع بخفة ظل لا نظير لها، وحياء زائد ربما تفتقد الثيب جزءًا منه، وخفة ظل نسيتها الثيب في غمرة المسؤولية وأعباء البيت ووصايا الغرباء بذبح القطة واقتناص الحقوق -زعموا-..
لحظات التعارف الأولى بين البكر ورجلها لحظات لا تكاد توصف، لحظات القلب الخليّ، لحظات العقل الفتيّ، لحظات اللمسة الأولى، والنظرة الأولى، والهمسة الأولى، لحظات البسمة غير المتكلفة، والنظرات الزاخرة بالمحبة، ومشاعر الاشتياق الملتهبة، كل ذلك تتمتع به الحوراء البكر في جنة الآخرة..
البكر خليّة البال إلا من حبيبها، البكر تذهب إلى جامعتها أو مدرستها ثم تعود لتقضي وقتها مستقصيةً الطرق التي تتقرب بها إلى رجلها، البكر -لصغر سنها وحداثة أسنانها وقلة تجاربها مع الرجال- تميل إلى اللعب والضحك والسمر وبث الأشواق وارتشاف رحيق المحبة والعشق، البكر تشدو وتغرِّد لحبيبها وترفّه عنه وتزيل ما أهمّه وأغمّه،
البكر كنسمات الفجر الرقيقة الباردة، تلطّف الأجواء، وتزيل الوحشة، وتؤنس الرفيق.
في البكر لهفة على رجلها لاستكشاف بواطن حالةٍ لم تعشها، فمجرد شعورها بالرغبة في استكشاف ذلك المجهول يمتعك ويرضيك غاية الرضا، البكر لم تعتد رؤية وجهك -أيًا كان نوعه- لذا تجدها دائمة التفرس في طلعتك البهية وتفاصيل طَلَّتِك السنية، فترتاح نفسك لهذا التفرس أيما راحة.
عقل البكر لم يتلوث بمخططات السيطرة على رجلها، ومؤامرات قتل روح الفكاهة، ونظريات الحموات الفاتنات، فالبكر على سجيتها، بل أرقى من سجيتها، تترفع عن لحظات التبكيت في أوقات اللقاء المحدودة، تستدعي البسمة -على بعدها- لتملأ فراغ دقائق حبيبها المعدودة..
فعقل البكر بكر، وقلب البكر بكر، ولسان البكر بكر، ونظرة البكر بكر، وسمع البكر بكر، وبسمة البكر بكر، وانتظار البكر بكر، وحب البكر بكر، ولهفة البكر بكر، وشوق البكر بكر، ودمعة البكر بكر..
ملحوظة: بيننا ثيباتٌ تحسبهن أبكارًا من حسن التبعُّل، يَسْكُنُ في جوفهن عقل فتاة وقلب بنوتة صغيرة، ليس عن سفاهة، بل عن حكمة وعقل، يدرين كيف تحتل إحداهن قلب الرجل وتتربع فيه على عرش ذهبي مرصع بالجواهر.
بقلم / عبد الرحمن ضاحي
ستيف جوبز بيتكلم عن الـ Modern Marketing
- حتى لو مش شاغلك محتوى الفيديو .. اتعلم منه الـ presentation skill
ستيف من أفضل الـ speakers على مستوى العالم ..
ظهرت في الفترة الاخيرة وخصوصا في القاهرة و إسكندرية
حاجة إسمها co-working space ..
الفكرة ببساطة إنه مكان بيوفر لك المناخ المناسب للإجتماعات أو رواد الاعمال
أو اصحاب المشاريع ..تقعد فيه انت وصحابك تطلعوا افكار جديدة
بتتعمل فيه activites تحسن من مهاراتك
فيه M3mal معمل و Pluto Co-working في إسكندرية
الميزة الأساسية في نوعية الأماكن دي هو الـ design بتاعها
تحس إنك قاعد في مؤسسة تبع أبل أو جوجل
- محدش طلب مني أعمل دعايا للأماكن والله .. مليش في الجو ده
الاماكن دي أنا استفدت منها و ياريت الكل يستفيد :))
حاجة إسمها co-working space ..
الفكرة ببساطة إنه مكان بيوفر لك المناخ المناسب للإجتماعات أو رواد الاعمال
أو اصحاب المشاريع ..تقعد فيه انت وصحابك تطلعوا افكار جديدة
بتتعمل فيه activites تحسن من مهاراتك
فيه M3mal معمل و Pluto Co-working في إسكندرية
الميزة الأساسية في نوعية الأماكن دي هو الـ design بتاعها
تحس إنك قاعد في مؤسسة تبع أبل أو جوجل
- محدش طلب مني أعمل دعايا للأماكن والله .. مليش في الجو ده
الاماكن دي أنا استفدت منها و ياريت الكل يستفيد :))
